ابتسم انت في كلية الهندسة.....منقول

ابتسم انت فى كلية الهندسة

عندما تعلم ان لديك محاضرة الساعة 8 صباحا و جميع الكليات حولك تبدا محاضراتها الساعة 10 او 11 اذن انت فى كلية هندسة

عندما تستيقظ كل يوم و تعلم ان لديك حفنة من السكاشن و المحاضرات و غيرك بياخد 3 ايام اجازة فى الاسبوع غير الجمعة و العطلات الرسمية ابتسم انت فى كلية هندسة
.
عندما تقول لسائق التاكسى كلية هندسة فينظر لك نظرة حاسد و حاقد ( على ايه يا حسرة ) ثم يو صلك مشوار الاتنين جنيه و يقولك عشرة ( طمعا فى المهندس الصغير ) ابتسم انت فى كلية هندسة

عندما تطلب احد اصدقائك فتجده نائم و انت لا ابتسم انت فى كلية هندسة
ا
عندما تدفع فى الدروس ما يساوى تمن جهاز عروسة ابتسم انت فى كلية هندسة

عندما تحسب بالجمع دون الطرح مدة تعليمك فتجدها تحقق المعادلات التالية:
مدة تعليمى الاجمالية = مدة التعليم الاساسى + التعليم الجامعى + التحابيش -------------- (1)
و علما بان التعلم الاساسى= التعليم الاساسى + التعليم الثانوى
اذن التعليم الاساسى = التعليم الابتدائى + التعليم الاعدادى + الثانوى -------------- (2)
و علما بان التعليم الجامعى = سنوات اكاديمى + سنة امتياز -------------- (3)
و علما بان التحابيش = دبلومة + ماجستير + دكتوراة -------------- (4)
و بالتعويض من 2 و 3 و 4 فى 1
اذن
مدة التعليم الاجمالى = الابتدائى+الاعدادى+الثانوى+اكاديمى جامعى+الامتياز+دبلومة+ماجستير+دكتوراة
مدة التعليم الجمالى = 6+3+3+6+1+2+4+4=29 سنة مع الشغل و النفاذ (بفرض عدم الدبلرة[^o)])
اذن
ابتسم انت فى كلية هندسة

مما سبق نستنتج انك سترى اللحظات التالية فى حياتك:
انت بتدرس و صاحبك اللى ف تجارة خلاص بيشتغل ابتسم انت فى كلية
هندسة

... انت فى الجيش و صاحبك بتاع اداب بيتجوز ابتسم انت فى كلية هندسة...

انت بتبدا حياتك و صاحبك بتاع خدمة اجتماعية اتجوز و خلف 3 عيال و سافر برة يشتغل و رجع بعد طول غربة ابتسم انت فى كلية هندسة.

عندما تحضر كل السكاشن و تذاكر المحاضرات و تاكل الكتب و بعدين تجيب جيد نظرا لرخامة دكتور لجنة الشفوى ابتسم انت فى كلية هندسة

عندما يعاملك الدكاترة كانها بتنتقم منك ابتسم انت فى كلية هندسة.

عندما تجد كليتك و سط المصانع بما فيها من آسمنت و تراب و ارف ابتسم انت فى كلية هندسة.

عندما تجد كليتك معزولة عن باقى الكليات خوفا من انتقال الامراض الى طلبة الكليات الاخرى ابتسم انت فى كليةهندسة.

عندما لا تجد فى كليتك كافتريا عدلة ابتسم انت فى كلية هندسة.

عندما تكون حفلة الاستقبال فى الكليات الاخرى على انغام الموسيقى و انت فى حفلتك قاعد جوة المدرج سامع خطبة عريضة لعميد الكلية ابتسم انت فى كلية هندسة

عندما لا يجد الشباب فى الكلية من البنات ما يفتح نفسهم للذهاب ابتسم انت فى كلية زفت... عندما لا تجد البنات فى الكلية من الولاد ما يفتح نفسهن للذهاب ابتسمى انتى فى كلية زفتة.

عندما يصاب الشباب بالصلع فى سنة 3 و البنات بالتجاعيد ابتسم انت فى كلية هندسة

يااااااااااااااااااااااااااااااااااااه يا مروه

كل ده بيحصل فى كلية الهندسه

الله يكون فى عون المهندسين

والحمد لله إنى ما طلعتش مهندس

مالها الإبتدائيه ...؟

شكرا يا مروه على موضوعك الهادف القيم

ومن هنا بنقدم نصيحه غاليه لكل الشباب

بلاش كلية الهندسه

وياريت بلاش تعليم من أساسه

علشان برضه انا قابلت ناس فى حقوق وعلوم

حاولوا الإنتحار أكتر من مره

وناس فى زراعه مش لاقيين شغل بعد التخرج

وناس من تجاره وآداب وتربيه

شغالين فى المعمار

وآه يا بلد

وسلام يا صاحبى

eng.marwa كتب:: ابتسم انت فى كلية الهندسة

عندما يعاملك الدكاترة كانها بتنتقم منك ابتسم انت فى كلية هندسة.

عندك حق و الله ده احنا لو عبيد عندهم حيعاملونا احسن من كده

eng.marwa كتب:: ابتسم انت فى كلية الهندسة

عندما يصاب الشباب بالصلع فى سنة 3 و البنات بالتجاعيد ابتسم انت فى كلية هندسة

فى حاجة تانية نسيتى تقوليها و هى استخدام نظاره كعب كباية او نضارة معظمة على الاقل للقراءة

شوفت يا أستاذ فؤاد اللي بيحصل لنا علشان تعرف ان لقب مهندس مش بالساهل.
وفي الآخر مش لاقيين شغل.
ربنا يستر.
نورت الموضوع يا أستاذ فؤاد وفعلا كل اللي قلته هو اللي بيحصل في البلد دلوقتي ويارب نكون أحسن من كده وحالنا يكون أحسن.

ميرسي يا كيمو على ردك واكيد انت مريت بكل ده زيي تمام وزي كل المهندسين.
والنضارة كعب الكباية خلاص الواحد مبقاش يشوف بيها بسبب القراءة والرسم والمذاكرة .
ربنا يستر والناس تطلع من الهندسة وهما بكامل قواها العقلية والبدنية والنفسية.