غرام المهيسين
قاعد لا بيا ولا عليا لطشنى هواه فى العصريه
خلانى بقيت على ملا وشى علشان لطشنى بحنيه
نسانى أهلى و أحبابى و بقالى خلاص كل ما ليا
مريت أنا بأهل الهوا و جراحى طلبت مداويا
قالوا الهوا ما له دوا حاروا الأطبا النفسيه
قلت إلحقونى أنا بتعذب شوفولى حل ف بلاويا
قالوا بكل حياديه خيبتك بقت خيبه قويه
آه يانى ياللى بقيت أسير بعد أما كنت ف حريه
أسرك هواه ف غمضة عين ده من عيونه العسليه
أُمال لو كنت لمست إيديه ده أنا كان ممكن يغمى عليا
بقت نهايتى حاجه من اتنين يا الموت يا مصحه نفسيه