لما الهوى بيدق باب ... لازم تخاف من دقة القلب اللى خايفة فى الغياب
لما الحبيب بيغيب .... و تحس إنك سراب
حاجات ... كراكيب كتيرة ... أو تلج داب
أصوات و نواح و مطر و دموع ..... أرقام و حساب
أيام بتعدى زى الرمح .... لأ .... دى شهاب
و الجنة اللى انت رويتها بدمك .... تبقى خراب
لما الهوى بيدق باب ... لازم تشوف دوامة الجرح و آهات العذاب
لما المطر و اللهيب ... يبقوا سوا فى السحاب
آهات ... تحاكيم و غيرة ... أو حب شاب
أموات و نيران و سفر و رجوع .... و فراق أحباب
عشاق بيموتوا ف عز العمر .... و يبقوا اصحاب
و حمامة بتعشق صوتها صوتها تغنى ... تبقى غراب