قتلتى الشاعر فيا يوم ما أخدتى حياتك منى
خليتى شعرى يموت مخنوق فى حضن حزنى
فلقتى الكلمة ... قطعتى وريد الحب ف بدنى
منعتى الدمعة ... منعتى البسمة تخش لسجنى
سجنتى عيونى ف سجن جفونى ... سجن بلعنى
قتلتى الشاعر فيا يوم ما أخدتى حياتك منى
خلقتى القهر ف عضم حروفى .. قهر قهرنى
كسرتى الحلم ف ننى عيونى .. حلم كسرنى
كنتى تقولى إيديك ملكونى .. مُلْك أسرنى
كتبت فيكى وقلت ليكى .. قُول خرَّسنى
قتلتى الشاعر فيا يوم ما أخدتى حياتك منى
وسمعتينى باقول باحبك .. حب ملكنى
فكَّرت إنى يعنى ساكن جوة قلبك.. وهم وهمنى
لقيتنى محبوس جوة كفِّك .. كفّ قتلنى
وهمتينى بإنى حبِّك .. و إنى و إنى
وصحيت فى يوم ما لقيت حنانك
ولقيت قساوة صوتها صدمنى
وحب مات قبل الأوان
وبقيت بجرح منك .. جرح هدمنى
قتلتى الشاعر فيا يوم ما أخدتى حياتك منى
الثلاثاء 27 نوفمبر 2007, 9:19 pm
